शबनम न्यूज : मुंबई (दि.०३ एप्रिल) :- IPL 2022 मध्ये रविवारी फक्त एकच सामना होणार आहे. गतविजेत्या चेन्नई सुपर किंग्ज आणि पंजाब किंग्जचे संघ मुंबईतील ब्रेबॉर्न स्टेडियमवर संध्याकाळी 7.30 पासून आमनेसामने येतील. CSKने सुरुवातीचे दोन्ही सामने गमावले आहेत.पराभवाची हॅट्रिक टाळणे चेन्नई संघासाठी सर्वात मोठे आव्हान आहे.त्याचबरोबर पंजाबच्या खात्यात एक विजय आणि एक पराभव जमा झाला आहे.
टॉस महत्त्वाचा
चेन्नईचा नवा कर्णधार रवींद्र जडेजा नाणेफेकीच्या बाबतीत खूपच दुर्दैवी ठरला आहे. आतापर्यंत दोन्ही सामन्यात नाणेफेक त्याच्या विरोधात गेली आहे. प्रथम खेळताना त्यांच्या संघाने 131 आणि 210 धावा केल्या. दोन्ही वेळा आघाडीच्या संघाने लक्ष्याचा सहज पाठलाग केला.
दुसरीकडे पंजाबने RCB विरुद्ध नाणेफेक जिंकून 206 धावांचे लक्ष्य पूर्ण केले. त्याचवेळी KKR समोर नाणेफेक गमावल्यानंतर संघ पराभूत झाला. तू चल, मैं आयाच्या धर्तीवर सर्व फलंदाज पॅव्हेलियनमध्ये परतले.
हेड टु हेडमध्ये चेन्नई पंजाबच्या पुढे
IPLमध्ये चेन्नई आणि पंजाब संघ 26 वेळा भिडले आहेत. यामध्ये 16 वेळा चेन्नई तर 10 वेळा बाजी पंजाबच्या हातात आहे.