दुचाकीच्या अपघातात तरुण गंभीर जखमी

शबनम न्युज | पिंपरी

दुचाकीच्या धडकेत एक तरुण गंभीर जखमी झाले असल्याची घटना घडली आहे. भांबोली येथे भांबोली ते वराळे रस्त्यावर दोस्ती हॉटेल समोर रविवारी (दि. ९)रात्री साडेनऊच्या सुमारास ही घटना घडली. शक्तिमान चंद्रिका प्रसाद (वय १९, रा.भांबोली, खेड) असे अपघात झालेल्या तरुणाचे नाव आहे. या प्रकरणी महाळुंगे पोलीस ठाण्यात फिर्याद दाखल करण्यात आली आहे. त्यानुसार एका संशयित आरोपीच्या विरोधात गुन्हा दाखल करण्यात आला आहे.

पोलिसांनी दिलेल्या माहितीनुसार, फिर्यादी शक्तिमान हे पायी घरी जात असताना मागून आलेल्या दुचाकी ने जोरात धडक दिली. या धडकेत ते गंभीर जखमी झाले. याबाबत अधिक तपास पिंपरी पोलीस करीत आहेत.