शबनम न्युज | पिंपरी
प्रेयसी आणि प्रियकर यांच्यात झालेल्या वादातून प्रेयसीने मित्राच्या मदतीने प्रियकराला दगडाने ठेचले. ही घटना रविवार (दि 07) जुलै रोजी पिंपरी चिंचवड शहरातील चिखली, कुदळवाडी परिसरात घडली. प्रेयसीने प्रियकराला दगडाने ठेचून जिवे मारण्याचा प्रयत्न केला. याबाबत प्रेयसीचा मित्र प्रेमदास विठ्ठल चव्हाण यांच्यावर गुन्हा दाखल करण्यात आला असून, प्रियसीला अटक करण्यात आली आहे. प्रियकर अब्दुल कलाम हा गंभीर जखमी आहे. त्याच्यावर खाजगी रुग्णालयात उपचार सुरू आहे.
पोलिसांनी दिलेल्या माहितीनुसार, प्रियकर आणि प्रेयसी यांच्यामध्ये वाद झाला होता. या झालेल्या वादातून प्रेयसीने आपल्या मित्राच्या मदतीने प्रियकराला दगडाने ठेचून जिवे मारण्याचा प्रयत्न केला. प्रेयसीचा विवाह झाला असून, गंभीर जखमी असलेल्या प्रियकर हा तिला “पती आणि मुलांना सोडून माझ्याकडे राहण्यासाठी ये” असं म्हणायचा यातून अनेकदा त्यांच्यात भांडणे झाली. याच गोष्टीला कंटाळून तिने मित्राच्या मदतीने प्रियकराला दगडाने ठेचून जीवे मारण्याचा प्रयत्न केला. या घटने प्रकरणी चिखली पोलीस ठाण्यात तपास सुरू आहे.
