शबनम न्यूज | काळेवाडी
पिंपरी चिंचवड शहराच्या काळेवाडी मधील एम एम चौकात दोन दुचाकींची जोरात धडक झाली असल्याने यामध्ये एका दुचाकीस्वार जखमी झाला आहे. दुचाकीस्वाराचा गुडघा फॅक्चर झाला आहे. ही घटना 19 नोव्हेंबर सायंकाळी घडली.
सर्जेराव रंगराव पाटील (वय 57 ,रा. काळेवाडी) असे जखमी दुचाकीस्वाराचे नाव आहे. त्यांनी याप्रकरणी काळेवाडी पोलीस ठाण्यात फिर्याद दाखल केली आहे. त्यानुसार अनोळखी दुचाकीस्वाराच्या विरोधात गुन्हा दाखल करण्यात आला आहे .फिर्यादी पाटील हे त्यांच्या दुचाकीवरून ज्योतिबा गार्डन कडे जात होते, एम एम चौकातून उजवीकडे वळण घेत असताना एम्पायर इस्टेट कडील बी आर टी मधून आलेल्या एका दुचाकीने पाटील यांना जोरात धडक दिली, याबाबत अधिक तपास काळेवाडी पोलीस करीत आहेत.
Advertisement
