शबनम न्यूज | मोशी
जुन्या भांडणाच्या कारणावरून एका व्यक्तीवर चाकूने वार काढण्यात आले. तसेच त्याच्या पत्नीला मारहाण करण्यात आली. याप्रकरणी पोलिसांनी तिघांना अटक केली आहे. ही घटना मंगळवारी (दि. 3 ) रात्री साडेदहा वाजता चे सुमारास बोराडे वस्ती मोशी येथे घडली.
विजय बाबासाहेब साळवे (वय 25 ),अजय बाबासाहेब साळवे (वय 24 ),ज्ञानेश्वर वसंत दुनघव (वय 22 ,तिघेही रा. मोशी) अशी अटक करण्यात आलेल्यांची नावे आहेत. याप्रकरणी कैलास सुभाष सुधारे (वय 35 ,रा. मोशी) यांनी एमआयडीसी भोसरी पोलीस ठाण्यात फिर्याद दिली.
पोलिसांनी दिलेल्या माहितीनुसार, सुधारे यांच्या घराशेजारील संशयित राहतात. त्यांच्यामध्ये सांडपाण्याच्या कारणावरून पूर्वी वाद झाले आहेत. त्या कारणावरून त्यांनी कैलास यांच्या घराच्या दरवाजावर जोरजोरात लाथा मारून दरवाजा तोडला, घरात येऊन कैलास यांच्यावर चाकूने वार केले. तसेच त्यांच्या पत्नीला बेदम मारहाण केली.बोऱ्हाडे वस्ती मोशी येथे घडलेल्या या घटने प्रकरणे भोसरी पोलिसांनी फिर्यादीनुसार तीन जणांना अटक केली आहे. पोलिसांकडून या प्रकरणाबाबत अधिक तपास सुरू आहे.
