शबनम न्यूज | मोशी
नेपाळ,काशी, अयोध्या येथे यात्रेसाठी नेहण्याचे आम्हीच दाखवून पैसे घेत एका वृद्ध व्यक्तीची दोन लाख रुपयांची फसवणूक केल्याची घटना 1 जून ते 12 जून या कालावधीत मोशी येथे घडली.
भिकन एकनाथ दुसाने (वय 69 ,रा.मोशी) यांनी एमआयडीसी भोसरी पोलीस ठाण्यात फिर्याद दिली. त्यानुसार सिद्धेश टूर्स अँड ट्रॅव्हल्स भुसावळ याचे मालक महेश बारसु यांच्या विरोधात पोलिसांनी गुन्हा दाखल केला आहे.
पोलिसांनी दिलेल्या माहितीनुसार, महेश बारसु याने दुसाने यांना नेपाळ ,काशी ,अयोध्या येथे यात्रेसाठी नेण्याचे आमिष दाखविले, त्यासाठी दुसाने आणि त्यांच्या नातेवाईकांकडून 2 लाख 2500 रुपये घेतले .प्रवास सुरू होण्यापूर्वी 20 दिवस अगोदर कळविल्यास तिकीट रद्द करून सर्व पैसे परत देतो, असे दुसाने यांना सांगण्यात आले. दरम्यान, संशयीताने दुसाने यांचे रेल्वेचे तिकीट बुक केले नाही. तसेच त्यांनी भरलेले 2लाख 2500 रुपये त्यांना परत न देता त्यांची फसवणूक केली, याबाबत अधिक तपास एमआयडीसी भोसरी पोलीस करीत आहेत.
