शबनम न्युज | तळेगाव दाभाडे
पैसे न दिल्याच्या रागातून मित्राला मारहाण केली आहे. यात मित्र हा जखमी झाला. तळेगाव स्टेशन येथे १२ मार्च रोजी ही घटना घडली. आकाश संजय दाभाडे (वय २७, रा. तळेगाव दाभाडे) यांनी या प्रकरणी बुधवार (दि. १८) रोजी तळेगाव दाभाडे पोलीस ठाण्यात फिर्याद दिली आहे. त्यानुसार संतोष दिलीप भेगडे (वय ३६) ,हरीश करड (वय ३५), प्रशांत प्रकाश गराडे (वय ३२, रा. तळेगाव दाभाडे) यांच्या विरोधात पोलिसांनी गुन्हा दाखल केला आहे.
पोलिसांनी दिलेल्या माहितीनुसार, फिर्यादी दाभाडे आणि संशयित हे मित्र आहेत, संतोष भेगडे यांनी आकाश कडे पैसे मागितले.ते देण्यास आकाश ने नकार दिला, त्याचा राग मनात धरून संतोषने आकाशला शिवीगाळ केली.त्यानंतर हरिश व प्रसाद यांनी आकाशला लाकडी दांडकेने मारहाण करून दुखापत केली. तसेच संतोष नेही दांडक्याने डोक्यात मारून आकाशला जखमी केले. या प्रकरणी तळेगाव दाभाडे पोलीस ठाण्यात गुन्हा दाखल आहे.
