शबनम न्युज | पिंपरी
लोकसभा सार्वत्रिक निवडणूक २०२४ अंतर्गत २०५ चिंचवड विधानसभा मतदारसंघामध्ये मतदार जनजागृतीसाठी आणि मतदारांना मतदान करण्यास प्रोत्साहन देण्यासाठी मा.निवडणूक निर्णय अधिकारी श्री.दिपक सींगला, ३३ मावळ लोकसभा मतदारसंघ आणि सहा.निवडणूक निर्णय अधिकारी श्री.विठ्ठल जोशी, २०५ चिंचवड विधानसभा मतदार संघ यांचे मार्गदर्शनाखाली मदनलाल धिंग्रा मैदान, निगडी येथे मूकबधिर दिव्यांग महिलांच्या क्रिकेट स्पर्धाप्रसंगी मतदार जनजागृती कार्यक्रम घेण्यात आला.
सदर कार्यक्रमाच्या ठिकाणी मूकबधिर दिव्यांग महिला खेळाडू व २०५ चिंचवड विधानसभा दिव्यांग कक्षाचे नोडल अधिकारी श्री श्रीनिवास दांगट व त्यांची टीम यावेळी येथे उपस्थित होते. मा. निवडणूक आयोगाच्या निर्देशानुसार २०५ चिंचवड विधानसभा मतदारसंघामध्ये या भागातील मूकबधिर दिव्यांग महिला खेळाडूंना मतदान करण्यासाठी प्रोत्साहित करण्यात आले. तसेच संयुक्त विद्यमाने मतदान जनजागृती करण्यात आली. यामध्ये खेळाडूंना मतदान करण्यासाठी एक उत्साह मिळाला तसेच देशहितासाठी मतदान करा, “ वोट द्यायला जायचे आहे, आपले कर्तव्य बजावयाचे आहे ” असा संदेश देण्यात आला. यानंतर उपस्थित खेळाडूंना मतदान करणे संदर्भात शपथ देण्यात आली.
