शबनम न्युज | पुणे (वृत्तसंस्था)
पुणे ग्रामीण पोलिसांनी मंगळवारी जिल्ह्यातील एका सरकारी शाळेतील ५४ वर्षीय पुरुष शिक्षकाला गेल्या तीन महिन्यांत किमान आठ विद्यार्थिनींचे लैंगिक शोषण आणि विनयभंग केल्याच्या आरोपाखाली अटक केली. या प्रकरणातील फिर्याद मंगळवारी सकाळी पुणे जिल्ह्या पोलिस स्टेशनमध्ये शाळा अधिकारी आणि इयत्ता ७ मधील विद्यार्थ्यांच्या पालकांनी सोमवारी त्यांच्याशी संपर्क साधल्यानंतर नोंदवण्यात आली.
गेल्या काही दिवसांपासून १२-१३ वयोगटातील विद्यार्थ्यांनी त्यांच्या पालकांना सांगितले कि, आरोपी त्यांना वर्गात अयोग्यरित्या स्पर्श करत आहे. मुलींनी पालकांना सांगितले की, तो त्यांना आपल्या जवळ उभा करायचा आणि त्यांच्याशी बोलताना त्यांना स्पर्श करायचा.
पोलिस स्टेशनचे सहाय्यक निरीक्षक म्हणाले, आतापर्यंत किमान आठ मुलींनी या शिक्षकाविरुद्ध तक्रार केली आहे. तर पोलिस उपअधीक्षक म्हणाले, “पोलिसांचे एक पथक आणि समुपदेशक लवकरच विद्यार्थी आणि अधिकाऱ्यांशी बोलतील की, ज्यांनी आमच्याकडे संपर्क साधला आहे. त्या व्यतिरिक्त आणखी काही मुली आहेत की नाही. ज्यांचे या शिक्षकाने लैंगिक शोषण केले होते. त्याला आज न्यायालयात हजर केले जाणार असून पुढील चौकशीसाठी त्याची कोठडी मागितली जाणार आहे.