पिंपरी चिंचवड, शबनम न्यूज , प्रतिनिधी :
पिंपरी-चिंचवड परिसरातील दिघी आळंदी रोडवर भरधाव मोटारीने काहीजणांना उडवल्याची घटना घडली आहे. यामध्ये सात वर्षीय मुलाचा मृत्यू झाला आहे. संतापजनक बाब म्हणजे सात वर्षीय पार्थ प्रणव भोसले याला ७०० ते ८०० मीटरपर्यंत मोटारचालकाने फरफटत नेले.
Advertisement
याप्रकरणी दिघी पोलिसांनी राहुल तापकीर वय- ४० वर्षे याला ताब्यात घेतलं आहे. पार्थ आणि त्याची आई हे स्कुटीवरून चऱ्होली चौकातून दिघीच्या दिशेने जात होते. तेव्हा, भरधाव वाहनाने त्यांना भीषण धडक दिली. यात आई गंभीर जखमी झाली असून मुलगा पार्थचा मृत्यू झाला आहे. ही घटना रात्री दहाच्या सुमारास घडली आहे.