ठाणे (कल्याण) : कल्याणमध्ये दुर्देवी घटना समोर आली आहे. रस्त्यावर खेळताना एक 12 वर्षाच्या चिमुरडा कचरा उचलणाऱ्या ट्रकच्या खाली सापडून चिरडला गेला. मुलाचा जागीच मृत्यू झाला आहे. या घटनेमुळे परिसरात शोककळा पसरली आहे. सर्वसामान्यांकडून हळहळ व्यक्त केली जात आहे. या घटनेनंतर पोलिसांनी गाडी चालकाला ताब्यात घेतलं आहे. त्याची सध्या चौकशी सुरु असल्याची माहिती समोर आली आहे
कल्याण पूर्व भागातील हनुमाननगर परिसरात ही दुदैवी घटना घडली.
दुपारच्या सुमारास मोहन सृष्टी कॉम्पलेक्ससमोर काही लहान मुले क्रिकेट खेळत होती. त्यापैकी एक लहान मुलगा 12 वर्षाचा अमित धाडक बॉलच्या मागे रस्त्याचा दुसऱ्या बाजूला गेला. त्या दरम्यान कचरा उचलणारा ट्रक मागच्या दिशेने येत होता. मुलगा बॉल घेण्याच्या नादात होता. या दरम्यान तो ट्रकच्या मागच्या चाकाखाली आला. त्यात तो चिरडला गेला. त्याचा जागीच मृत्यू झाला
संबंधित घटनेची माहिती मिळताच आजूबाजूच्या नागरीकांनी धाव घेतली. तसेच पोलीसही दाखल झाले. टिळकनगर पोलिसांनी या प्रकरणी तपास सुरु केला आहे. या घटनेमुळे परिसरात हळहळ व्यक्त केली जात आहे. ट्रक चालकाला टिळकनगर पोलिसांनी ताब्यात घेतल्याची माहिती दिली आहे.
प्रतिनिधि
दिलीप सोनकांबळे