शबनम न्युज | मुंबई
विश्वचषक 2023 च्या अंतिम सामन्यात ऑस्ट्रेलियाने भारताचा पराभव केला. ऑस्ट्रेलियाने भारतावर सहा गडी राखून विजय मिळवत सहाव्यांदा विश्वचषकावर आपले नाव कोरले. यावेळी भारतीय कर्णधार रोहित शर्मा सह अनेक खेळाडूंची डोळे पाणवले असल्याचे दृश्य पहावयास मिळाले. भारताने सलग 10 विजय मिळवत संपूर्ण वर्ल्डकप मध्ये वर्चस्व गाजवले होते. पण अखेरच्या सामन्यात भारताला पराभवाचा सामना करावा लागला. दरम्यान, मास्टर ब्लास्टर सचिन तेंडुलकरने सोशल मीडियावर पोस्ट करत टीम इंडियाचे सात्वन केले आहे.
तसेच सचिनने विजय संघाचे अभिनंदनही केले आहे. सचिन म्हणाला, पराभव हा खेळाचा एक भाग आहे. परंतु, भारतीय संघांचे संपूर्ण विश्वचषक स्पर्धेत आपले सर्वस्व दिले आहे. हे कायम लक्षात राहील, अशा शब्दात सचिनने भारतीय खेळाडूंचे मनोबल उंचावण्याचा प्रयत्न केला आहे.
सचिन म्हणाला, “सहाव्या विश्वकप विजयासाठी ऑस्ट्रेलियन संघाचे अभिनंदन. विश्वचषकाच्या सर्वात मोठ्या सामन्यात आणि सर्वात महत्त्वाच्या दिवशी त्यांनी चांगली खेळी केली. टीम इंडियासाठी शुभेच्छा, भारतीय संघाने पूर्ण विश्वचषक स्पर्धेत सर्वोत्तम कामगिरी केली. मात्र कालचा एक दिवस हृदयद्रावक ठरला. यामुळे खेळाडू, चाहते आणि हितचिंतक यांच्या यातना आणि त्यांना काय त्रास होत असेल याची मी कल्पना करू शकतो. पराभव हा खेळाचा एक भाग आहे. परंतु भारतीय संघाने संपूर्ण विश्वचषक स्पर्धेत आपलं सर्वस्व दिलं आहे, हे कायम लक्षात राहीन.”
