शबनम न्यूज / पिंपरी
वाकड परिसरात पिंक सिटी रोड येथे सुशोभीकरणच्या दृष्टीने सेल्फी पॉंईट साकारण्यात आला आहे. MY WAKAD, SMART WAKAD व्हिजन ठेवून संपूर्ण वाकड परिसराचा विकास करीत असताना नागरिकांना अत्याधुनिक सुविधा मिळाल्याच पाहिजेत परंतु सुसज्ज व स्मार्ट परिसरामध्ये देखील हा परिसर मागे पडता कामा नये या दृष्टीने आमदार लक्ष्मण जगताप यांच्या मार्गदर्शनाखाली नगरसेविका सौ.ममताताई विनायक गायकवाड यांच्या स्थायी समिती अध्यक्ष काळात हि सर्व कामे मार्गी लावली. पिंपरी चिंचवड शहरातील अनेक अत्याधुनिक प्रकल्प या वाकड परिसरात राबविण्यात आले आहेत त्यामध्ये सर्व प्रभागातील सिमेंट काँक्रीट रस्ते, पाण्याची टाकी, सुशोभीकरण, क्रीडा संकुल, ज्येष्ठ नागरिक विरंगुळा केंद्र, फुटबॉल टर्फ मैदान, लिनियर गार्डन व इतर कामे होत आहेत.
नगरसेविका व माजी स्थायी समिती सभापती ममताताई गायकवाड यांच्या प्रयत्नातून वाकड परिसर हा स्मार्ट परिसर झाला आहे येथील नागरिकांना अत्याधुनिक सोयी सुविधा मिळाव्यात याकरिता अथक प्रयत्न करून नगरसेविका सौ ममताताई गायकवाड व माजी नगरसेवक विनायक गायकवाड यांनी आपला प्रभाग स्मार्ट प्रभाग असावा यासाठी सतत पाठपुरावा करीत त्यांचा प्रभाग अत्याधुनिक सोयी-सुविधांनी असलेला प्रभाग झाला आहे.
नगरसेविका ममताताई गायकवाड या स्थायी समिती सभापती पदावर असताना त्यांनी अनेक कामे मार्गी लावली. त्यांच्या प्रभागात विकासांची रेलचेल पाहावयास मिळत आहे. त्यामुळे या प्रभागातील नागरिकही सौ ममताताई गायकवाड यांच्या कामाने समाधानी आहेत यामुळे नक्कीच वाकड परिसर संपूर्ण पिंपरी चिंचवड शहरामध्ये स्मार्ट प्रभाग म्हणून नावारूपास येईल.
