शबनम न्युज | पिंपरी-चिंचवड
पिंपरी-चिंचवड | प्रतिनिधी
संभाजी ब्रिगेडच्या वतीने थेरगाव येथे शेतकऱ्यांचा राजा महासम्राट बळीराजाचा गौरव करुन पुजन करण्यात आले. यावेळी बळीराजाच्या प्रतिमेला मराठा सेवा संघ उद्योग कक्षाचे राष्ट्रीय अध्यक्ष प्रकाश जाधव यांनी पुष्पहार अर्पण केला.
यावेळी अनेक मान्यवरांनी आपली मनोगते व्यक्त केली यामध्ये मराठा सेवा संघाचे गजानन आढाव संभाजी ब्रिगेडचे संघटक संजय जाधव तसेच स्वराज्य अभियानाचे मानव कांबळे यांनी आपली मनोगते व्यक्त केले यावेळी मानव कांबळे म्हणाले की देशाचे पंतप्रधान नरेंद्र मोदी हे आधुनिक वामनाचाच अवतार आहेत. केंद्रीय भाजपच्या मंत्र्यांच्या मुलाने शेतकऱ्यांची गाडीखाली चिरडून हत्या केली त्यावर देखील आजपर्यंत नरेंद्र मोदींनी मौन बाळगले आहे. तसेच शेतकरी विरोधी काळे कायदे रद्द करण्यात यावेत या मागणीसाठी गेल्या अकरा महिन्यांपासून दिल्ली येथे शेतकरी आंदोलन करत आहेत या आंदोलनात आतापर्यंत जवळपास सहाशे शेतकरी शाहिद झाले असून तरी आजच्या काळातील बटुक वामनाला पाझर फुटलेला नाही हे मोठे दुर्दैव आहे असे मानव कांबळे म्हणाले.
यावेळी बटुक वामनाच्या प्रतिमेचे दहन करण्यात आले. यावेळी संभाजी ब्रिगेडचे संघटक विनोद घोडके रशीदभाई सय्यद विक्रम गुंड महेश कांबळे सामाजिक कार्यकर्ते नरेंद्र पवार रवि चव्हाण अंबादास जाधव सलीम मुलानी पराग जाधव अभिषेक म्हसे यांच्यासह अनेक कार्यकर्ते उपस्थित होते.
कार्यक्रमाची प्रस्तावना वाघमारे यांनी केली. संभाजी ब्रिगेडचे कार्याध्यक्ष गणेश दहिभाते यांनी मानले.
सदर कार्यक्रमाचे आयोजन संभाजी ब्रिगेडचे पुणे जिल्हा उपाध्यक्ष सतिश काळे यांनी केले.